وفاة اسماعيل الليثي فكّرتني بوفاة أحمد عامر .

وفاة اسماعيل الليثي فكّرتني بوفاة أحمد عامر اللي كانت من أربع شهور تقريبا، الاتنين كانوا راجعين من شغل وفي طريقهم للبيت، لكن واحد توفى بسكتـة قلبية وواحد توفى بحـادثة.. كانوا فاكرين إنه يوم عادي زي أي يوم وبيفكّروا هيعملوا ايه بكره.. الله يرحمهم ويغفر لهم 

عارفين ايه اللي بيصدمنا كده وبيزعلنا لما بنشوف شاب توفى فجأة رغم إننا مقتنعين إن كلنا هنموت في يوم؟! 

إن الدنيا بتلهينا عن حقيقة إنها فانية ومش مستاهلة.. 

فلما نشوف شاب في لحظة ساب كل حاجه وراح بدون مقدمات، قلوبنا بتتقبض.. 

بنرجع تاني نفوق إن دي مش حياتنا الحقيقية، الدنيا مش دارنا ولا مستقرنا.. احنا قاعدين فيها شوية وماشيين.. 

وفاة الشباب حوالينا بتبقى زي جرس إنذار شديد بيهزنا من جوا عشان يفكرنا بالحقيقة دي.. 

اللهُم لا تجعل الدنيا أكبر همنا ولا مبلغ علمنا، وادخلنا برحمتك في عبادك الصالحين، ونجِنا من موت الفجأة في ساعة الغفلة.