جاري تحويلك...
10 سنين كاملة عاشت فيهن سارة الزكريا بكنف أسرة رفيقتها المسيحية صامو، واللي اعتبرت والدها هو بيّا الحقيقي، بالرغم أن والد سارة بعدو على قيد الحياة..
معاناة سارة بدأت بدري بكير، خلقت بأسرة بتعاني من ظروف مادية صعبة كتير، ولأن كان عندها 5 أخوات كمان، قرر أهلها يحطوها بدار أيتام من وهي عندها 3 سنين ونص، ولما تعدت على المديرة، طردتها من الدار، ووقتها كان عندها 14 سنة..
بيت أهلها كان الملجأ الوحيد لإلها، لكن للأسف ما لقت فيه الأمان ايللي كانت محتاجاه بسبب خلافات إمّا وبيّا المستمرة وايللي كانت بتوصل لمد الأيد..
قررت تهرب وراحت لبيت صاحبتها المسيحية صامو ايللي استقبلها والدها طوني جعجع بترحيب شديد واعتبرها أخت لبنته وعاشت بينن 10 سنين، لدرجة لهلأ بتعتبره بيّا الحقيقي رغم أن والدها ووالدتها الحقيقين بعدن عايشين وبتتواصل معن كل فترة..
الشئ الوحيد يايللي كان بيخفف على سارة قسوة الحياة ايللي عايشتها هو حبها للغنا ايللي اكتشفته جوه الدار، وطوني كان له الفضل في تشجيع موهبتها، إلى أن قررت تحترف الغنا..
ومن وهي عندها 16 سنة اشتغلت في المطاعم والملاهي الليلية، واتشهرت باسم سارة اللبنانية، إلا أن الانطلاقة الحقيقية لها كانت بعد نجاح أغنية تيجي نتجوز بالسر اللي كسرت الدنيا بلبنان ومصر وكل الدول العربية..
كلام كتير بيتردد عن أن سارة كوّنت ثروة ضخمة من ورا نجاحها الاستثنائي في وقت قياسي، وهاد ما نفته الفنانة الشعبية..
وكمان كشفت عن جانب مخفي من حياتها الخاصة، وهو معاناتها من الضغط والقلب ونوبات عصبية نتيجة نقص الأكسجين لدرجة أنها أحياناً بتفقد وعيها على المسرح.